Vhutshilo ha David Milingoni Tshigomana

Send your comments and contributions to tshg@ananzi.co.za or call me at 072 3399 575.Please includes your e-mail adress or your cell number so that I may come back to you.

Nne David milingoni Tshigomana ndo bebiwa nga dzi 4 September 1968.hezwi a zwi tu uvha na vhutanzi vhunga nne mune ndo tou di sedzela kha card yanga ya clinic.Vhabebi vha nga vha ri ndi tshi bebiwa ndo i rwa dzina la Joshua. Fhedzi ngauri tshifhinga itsho dzina i lo lo vha li tshi konda u buliwa, ho do pfumba la David.Vhabebi vhanga ndi Vho John Tshigomana na vho Elisah Phophi Makhavhu.Vhabebi vhanga vhothe avho ngo dzhena tshikolo,fhedzi khotsi anga zwi pfala uri vho dzhena vha swika kha murole wa vhuvhili(Grade 2).Mukalaha vho vha vhe muthu wa vhutali vhu mangadzaho.Mushumo we vha u shumesa u swika vha tshi lovha ndi wa u fhata. Hezwi zwi vhonala nga nndu ye vha i fhatela vhatholi vhavho fhala bulasini i vhidzwaho LaRoche, vha dovha vhari vha tshe henefho vha i ta na bada ya matombo u bva fhala tshivhilana u swika henengei nduni ya vhatholi vhavho(Mr and mrs Jaume`). Mukalaha vho vha tshi divha na mishumo ine a vho ngo i ela tshikoloni u fana na: u lugisa dzi radio,u ita mavothi , vhulimi na zwinwe zwinzhi zwinzhi. Vhutali ha hone ho di sumbedza tshinwe tshifhinga tsha musi mukalaha vha tshi khou fhata nndu ya matombo.henefho ndo vha vhona vha tshi i ta mutshini we wa vha u tshi kona u hwala matombo vhukule vhune ha lingana 60m. Hezwo u swikela na zwino zwi tshe zwo mmangadza.Ndi nga 1979.

Mukalaha vho do ri sia nga 1984, vha vhulungwa henengei bulasini La Roche. Fhedzi zwe mukalaha vha sia ndi vhutali vhure kha vhana na vhadulu vhavho.

Vhana vhe mukalaha vha sia ndi vhatukana vhararu : Bethuel(Vuwani), David(Matanda Nzhelele) na Tsumbedzo (Mauluma).Mukalaha vho sia vhasidzana : Elisa,Annah,Nkhumeleni,Shumani,Azwikholwisi,Ntshenegedzeni na Takalani.

Ro fhelela mutani wa hashu ro vha ri 10 na vho mme vhavhili.